Pas largimit të Marco Asensios, Real Madridi të shtunën ka njoftuar edhe për një largim tjetër nga skuadra.
Madrilenët nëpërmjet një komunikate në faqen zyrtare të klubit kanë njoftuar edhe për largimin e Mariano Diazit.
“Real Madridi dëshiron të shpreh mirënjohjen për Marianon, lojtarin që ishte pjesë e Akademisë tonë prej vitit 2011 deri në vitin 2016 dhe pjesë e ekipit të parë për gjashtë sezone, në të cilat fitoi 13-të tituj: dy Liga të Kampionëve, tre Kupa të Botës për klube, dy Superkupa të Evropës, tre tituj të La Ligas, një Kupë të Mbretit dhe dy Superkupa të Spanjës. Real Madridi i dëshiron atij dhe familjes së tij fat në fazën tjetër të karrierës”, shkruan në komunikatën e Real Madridit.
29-vjeçari në këtë edicion u paraqit në 11-të ndeshje në të gjitha garat, me vetëm 156 minuta lojë.
