Sipas komunikatës së tyre komunat nuk kanë pas rol në ri-vlerësimin e pronave e as në ngritjen e faturave për tatimin në pronë për qytetarët e Republikës së Kosovës.
Bordin i AKK-së ka paraqitur disa arsye pse duhet pezulluar vendimi për ri-vlerësimin e pronave dhe kundër çdo ngritje të vlerës së tatimit në pronë
1. Rrethana të vështira ekonomike për qytetarin e Republikës së Kosovës,
2. Shkalla e inflacionit është dy-shifrore,
3. Shtrenjtimi i çmimeve të produkteve bazë dhe produkteve të tjera,
4. Niveli i pagave i pandryshuar për vite të tëra,
5. Ndikim i drejtpërdrejtë në rëndimin/varfërimin e shportës për qytetarin,
6. Ri-vlerësimi i pronave nga MFTP ka ndikuar që faturat e tatimit në pronë të kenë një kosto shumë të lartë,
7. Rritja e lartë e faturës për tatim në pronë në rrethana të rënduara ekonomike do e vështirësojë inkasimin e të hyrave nga tatimi në pronë.
Bordi poashtu kërkon të ketë takime dhe konsulta të mirëfillta me komunat në mënyrë që të gjenden mënyrat më të mira për një ri-vlerësim të ri të pronës.
“Bordi i AKK bën me dije që Komunat e Republikës së Kosovës nuk mund të falin tatimin në pronë sepse kjo nuk është kompetencë e komunave, në të kundërtën kërkojmë nga MFTP të krijojë infrastrukturë ligjore ku do u’a mundësojë komunave faljen e tatimit në pronë bazuar në vendime të Kuvendit të Komunës”, thuhet në komunikatë.
Bordi i AKK-së ka kërkuar që sa më shpejtë të procedohet Projekt-Ligji i ri për tatimin në pronë për miratim në Qeveri të Republikës së Kosovës dhe në Kuvendin e Republikës së Kosovës./teve1.info/
