E mërkura komunën e Zveçanit e gjeti të rrethuar me tel me gjemba.
Në këtë formë forcat e KFOR-it, po e ruajnë atë nga protestuesit serb.
Këta të fundit janë mbledhur përseri , për ta kundërshtuar fillimin e punës së kryetarit të ri shqiptar në këtë komunë.
Para tyre, edhe një herë ish-zyrtari komunal në Zveçan, Sërgjan Milosavjleviq, ka paraqitur dy kërkesat.
Një nga to, është edhe lirimi i dy serbëve të arrestuar, që shkaktuan trazirat në veri të vendit.
Dua të ju falënderoj që erdhët në numër të madh për të shprehur në mënyrë paqësore pakënaqësinë tonë për vendimet e fundit që kërcënuan jetën tonë. Dua të them edhe një herë, kërkesat tona janë – tërheqja e forcave speciale policore nga komunat në veri të Kosovës dhe Metohisë dhe shtetasit tanë të arrestuar padrejtësisht, Rados Petroviq dhe Dushan Obrenoviq të lirohen”, tha ai.
Ndërkohë një nga udhëheqësit e protestës, njëherësh nënkryetar i Listës Serbe, Igor Simiq, policinë e Kosovës në veri, e quajti mysafirë të paftuar.
“Këta janë mysafirë të paftuar që erdhën dhe pushtuan komunat tona pa arsye por me një qëllim – të shkaktojnë kaos dhe të rrisin tensionet. Regjimi i Albin Kurtit gjatë vitit të kaluar po bën gjithçka për të provokuar serbët dhe për të krijuar një situatë që të përshkallëzohet aq sa të ketë një tjetër konflikt në territorin e Evropës”, u shpreh ai.
Pas kësaj, protestuesit kanë shpalosur një flamur të gjatë të shtetit serb rrugët e Zveçanit.
Ndryshe, të hënën protestuesit serbë kanë sulmuar pjesëtarët e KFOR-it, duke lënduar 30 prej tyre.
