Komuna e Rahovecit ka ftuar qytetarët të cilët janë prekur këto ditë nga vërshimet dhe përmbytjet të paraqesin kërkesën e tyre te komisioni komunal për vlerësimin e dëmeve në administratën komunale të Rahovecit.
Komuna ka njoftuar se këto kërkesa duhet të paraqiten më së largu deri më 14 janar 2026.
Po ashtu, komuna ka bërë të ditur se pas paraqitjes së kërkësës, komisioni komunal do t’i kontaktojë qytetarët dhe ekipi përkatës do të dalë në terren për të bërë vlerësimin e dëmeve.
Njoftimi:
Ftohen të gjithë qytetarët që janë prekur nga përmbytjet të paraqesin kërkesën e tyre te komisioni komunal për vlerësimin e dëmeve në administratën komunale të Rahovecit, më së largu deri më 14 janar 2026.
Pas paraqitjes së kërkesës, komisioni komunal do t’ju kontaktojë dhe ekipi përkatës do të dalë në terren për të bërë vlerësimin e dëmeve.
Dokumentet e nevojshme që duhet të dorëzohen:
Kërkesa (t’i bashkëngjiten edhe fotografitë me ngjyra);
Kopja e letërnjoftimit;
Konfirmimi i llogarisë bankare.
Ju falënderojmë për bashkëpunimin!
