Sipas saj, këto organizata ofrojnë shërbime sociale profesionale për kategori të ndryshme si: Fëmijë, të moshuar, persona me aftësi të kufizuara dhe gra, e të cilat drejtoria i mbështet.
“Prej 53 organizatave sa kanë aplikuar ne i kemi përzgjedhur 31 organizata. Domethënë këto ofrojnë hapësirë të mjaftueshme dhe kanë kapacitete njerëzore e logjistike për trajtimin e kategorive më të ndjeshme shoqërore. Andaj ne si Komunë i referojmë rastet që kryesisht janë raste sociale për trajtim në këto organizata. Normalisht pa pagesë sepse ne po i subvencionojmë në shumën deri në 16 mijë Euro për një OJQ”, ka thënë Sahiti për Teve1.info.
Ajo ka thënë se përzgjedhja është bërë në mënyrë profesionale duke u përzgjedhur organizatat që i ofrojnë shërbimet më të mira për këto kategori.
