Drejtoria për Siguri dhe Emergjenca në Komunën e Prishtinës do të organizoj një ushtrim praktik për personelin komunal, me qëllim testimin e gatishmërisë reaguese në rast të fatkeqësive, raporton teve1.info
Sipas një njoftimi për medie të Komunës së Prishtinës, në ushtrim përfshihet edhe koordinimi i institucioneve për reagim në zjarre dhe fatkeqësi tjera natyrore.
Ndërkohë për shkak të këtij testimi pritet të mbyllet për qarkullim të veturave rruga “UÇK” e cila kalon përreth Komunës për dy orë.
Ushtrimi mbahet nga ora 11:15 deri në 12:45.
“Të enjten me datë 03.07.2023, nga ora 11:15 deri në 12:45, Drejtoria për Siguri dhe Emergjenca do të organizojë një ushtrim praktik në objektin e vjetër të komunës me qëllim testimin e gatishmërisë reaguese të pjesëtarëve të personelit komunal dhe qytetarëve të cilët gjenden brenda, në rast të zjarrit dhe fatkeqësive tjera natyrore, si dhe koordinimin e institucioneve për reagim në zjarre dhe fatkeqësi tjera natyrore për: shuarjen e zjarrit, kërkim shpëtimin, evakuimin e personelit dhe qytetarëve.
Për shkak të ushtrimit, në koordinim me policinë është marrë vendimi që një pjesë e rrugës “UÇK” (ku gjendet komuna) të mbyllet për qarkullimin e veturave për dy orë”, thuhet në njoftimin e Komunës.
