Komuna e Mitrovicës ka vazhduar inspektimet dhe ndërmarrjen e masave në sektorin e ndërtimit, në kuadër të aksioneve për zbatimin e ligjit dhe respektimin e kushteve të lejeve ndërtimore.
Sipas njoftimit të komunës, gjatë ditës së djeshme Drejtoria e Inspekcionit ka vazhduar aksionin në terren, ku janë vendosur shirita ndalues në tri ndërtesa për shkak të mosrespektimit të lejeve të ndërtimit.
Autoritetet komunale kanë bërë të ditur se veprime të ngjashme do të vazhdojnë edhe në ditët në vijim, me qëllim të parandalimit të shkeljeve në sektorin e ndërtimit dhe garantimit të zbatimit të rregullave ligjore.
Komuna u ka bërë thirrje investitorëve dhe ndërtuesve që të respektojnë kushtet e përcaktuara në lejet ndërtimore, duke paralajmëruar se ndaj shkelësve do të ndërmerren masa sipas legjislacionit në fuqi.
