Ajo ka përmendur edhe delegacionin amerikan me 25 kompani biznesi që kanë shkuar në zyrën e presidentit serb, Aleksandër Vuçiq teksa pyeti se ku është diplomacia dhe lobimi i institucioneve tona, shkruan teve1.info
Kica – Xhelili tha se qetësia me të cilën po i pranojmë kritikat nga Departamenti i Shtetit Amerikan është e pakuptimtë.
“Një delegacion amerikan me 25 kompani biznesi shkojnë në zyrën e Vuçiq. Ku është diplomacia dhe lobimi i institucioneve tona? Qetësia me të cilën po i pranojmë kritikat nga Departmenti i Shtetit Amerikan është e pakuptimtë. E njëjtë heshtja lidhur me to”, ka shkruar deputetja e LDK-së.
Mes tjerash ajo theksoi se kur Blinken përmendi njohjen reciproke në qendër të marrëveshjes, “ky togfjalësh përmendej gati në çdo fjalim politik, gati në tentativë të legjitimimit të miqësisë”.
“Por kur sot shprehet zhgënjim me qasjen tonë, ajo që bëhet euforike është heshtja, por me çfarë kosto? Në këmbim të çkaje? Letrave qortuese pa efekt praktik me kosto të lëndimit të raportit me aleatët tonë kyq?”, ka shkruar ajo në Facebook.
