Komandanti i KOFR-it, Angelo Michele Ristuccia, ka takuar Përfaqësuesin Special të BE-së për Dialogun Kosovë-Serbi, Miroslav Lajçak, raporton teve1.info
Përmes një postimi në Facebook në faqen zyrtare të KFOR-it, është bërë e ditur se komandanti i këtij misioni, Angelo Michele Ristuccia, e ka mbështetur dialogun Prishtinë-Beopgrad, për të cilin i ka ofruar mbështetje BE-së.
“Komandanti i misionit të KFOR-it të udhëhequr nga #NATO, gjeneralmajor Angelo Michele Ristuccia, u takua me Miroslav Lajčák, Përfaqësues Special i BE-së për Dialogun Prishtinë-Beograd dhe çështje të tjera rajonale të Ballkanit Perëndimor, dhe Shkëlqesinë e tij Tomáš Szunyog, Shef i Zyrës së BE-së në Kosovë/ Përfaqësues Special i BE-së.
Ata diskutuan përditësimin e fundit për situatën e përgjithshme dhe përpjekjet e vazhdueshme të #KFOR-it në mbështetjen e dialogut të lehtësuar nga BE-ja ndërmjet Beogradit dhe Prishtinës”, thuhet në njoftimin e KFOR-it.
