Komandanti i misionit të NATO-s në Kosovë, Gjeneral-Major, Ozkan Ulutash të hënën ka zhvilluar një takim me ministrin e Punëve të Brendshme në detyrë, Xhelal Sveçla.
Sipas njoftimit zyrtar, gjatë takimit, ata kanë shkëmbyer pikëpamje mbi situatën aktuale të sigurisë në vend dhe mbi mënyrat për të përforcuar komunikimin dhe bashkëpunimin midis KFOR-it dhe Policisë së Kosovës.
Ulutash ka theksuar angazhimin e vazhdueshëm të trupave ndërkombëtare për të kontribuar në sigurinë e gjithë rajonit.
“KFOR vazhdon të zbatojë mandatin e saj, të bazuar në Rezolutën 1244 të OKB-së të vitit 1999, duke u përkushtuar në krijimin e një mjedisi të sigurt dhe të qetë për të gjithë qytetarët e Kosovës dhe duke garantuar lirinë e lëvizjes në mënyrë të paanshme. Misioni punon ngushtë me Policinë e Kosovës dhe Misionin EULEX, duke koordinuar rolet e tyre si përgjegjës të sigurisë”, theksohet në njoftimin e KFOR-it. /teve1.info/
