Kryeministri i Kosovës, Albin Kurti, ka pritur të martën në takim lamtumirës komandantin e KFOR-it në largim, Oezkan Ulutash.
Zyra e Kryeministrit ka njoftuar se ky ishte takimi i pestë zyrtar i tyre gjatë vitit.
“Duke e falënderuar komandantin e KFOR-it, Ulutash për kontributin e shërbimin e tij në fushën e sigurisë, kryeministri Kurti shprehu vlerësimin e lartë për bashkëpunimin e ngushtë, komunikimin, koordinimin dhe bisedat përherë të sinqerta e në frymën e sinergjisë për ruajtjen e paqes e sigurisë”, thuhet në njoftimin e ZKM-së.
Në takim mes tjerash është thënë se u vlerësua bashkëpunimi ndërmjet institucioneve të sigurisë e veçanërisht Policisë së Kosovës me Misionin e NATO-s në Kosovë KFOR-in./teve1.info/
