Komanda amerikane në Evropë ka njoftuar se bashkë me udhëheqësit e Departamentit amerikan të Mbrojtjes janë takuar me ministrin e Mbrojtjes së Kosovës, Ejup Maqedonci, ku ky takim thuhet se është bërë për të forcuar bashkëpunimin në siguri.
Po ashtu, nga komanda amerikane në Evropë thonë se takimi u mbajt për të mbështetur tranzicionin e FSK-së në forcë mbrojtëse territoriale, multietnike të ndërveprueshme nga NATO që i nënshtrohet kontrollit civil.
“Udhëheqësit nga DoD & USEUCOM u takuan për diskutime me Ministrin e Mbrojtjes të Kosovës për të forcuar bashkëpunimin në siguri dhe për të mbështetur tranzicionin e FSK në një forcë mbrojtëse territoriale, multietnike të ndërveprueshme nga NATO që i nënshtrohet kontrollit civil” thuhet në postimin në “X”
Leaders from DoD & USEUCOM met for discussions w/ the #Kosovo Minister of Defense to strengthen security cooperation & support the 🇽🇰 Security Force’s transition into a NATO-interoperable, multiethnic territorial defense force subject to civilian control. #StrongAndStrategic https://t.co/WPBNbYbZFR
— U.S. European Command (@US_EUCOM) February 27, 2024
Ndërkaq, departamenti amerikan i Mbrojtjes dje ka njoftuar për vizitën e drejtorit kryesor për Politikat Europiane të NATO-s, Alton Buland në Kosovë.
