Një grup kolonësh izraelitë kanë sulmuar qytetin palestinez të Taybeh me afër 1,300, kryesisht të krishterë, në Bregun Perëndimor të pushtuar, sipas Autoritetit Palestinez (PA).
Kolonët u vunë flakën automjeteve palestineze dhe shkruan me bojë “kërcënime raciste në hebraisht” në shtëpi dhe prona, shkroi AP me seli në Ramallah në X.
Një banor i Taybeh i tha agjencisë së lajmeve AFP se sulmi ndodhi rreth orës 2 të mëngjesit me kohën lokale dhe të paktën dy automjete u dogjën.
Ministria e Jashtme e Palestinës e dënoi sulmin, duke e quajtur atë “terrorizëm të kolonëve”.
Ambasadori i Gjermanisë në Izrael, Steffen Seibert, gjithashtu e dënoi atë, duke shkruar në X: “Këta kolonë ekstremistë mund të pretendojnë se Zoti ua dha tokën. Por ata nuk janë gjë tjetër veçse kriminelë, të neveritshëm për çdo besim.”
Poashtu Al Jazeera transmeton se forcat izraelite shkatërruan toka bujqësore dhe pemë ulliri në vendbanimin palestinez Khirbet Masoud, pranë Jenin në Bregun Perëndimor të pushtuar, sipas njoftimit të agjencisë së lajmeve Wafa.
Deri më tani në vitin 2025, forcat izraelite kanë shkatërruar të paktën 1,039 struktura në pronësi të palestinezëve në Bregun Perëndimor të pushtuar, sipas të dhënave nga Zyra e OKB-së për Koordinimin e Çështjeve Humanitare (OCHA).
