Pritja e gjatë i bëri që të dalin nga automjetet e tyre.
Këtë kohë po e shfrytëzojnë për argëtim edhe fëmijët.
Krejt kjo pasi që të shtunën u panë kolona te gjata në pikëkalimin kufitar në Merdarë.
E kjo pritje po i nervozon edhe mërgimtarët të cilët thonë se janë këtu që rreth tetë orë.
Pakënaqësi për këto vonesa po shprehin edhe ata që udhëtojnë me autobusë.
Kurse shoferët e këtyre mjeteve thonë se kjo po shkakton nervozizëm tek udhëtarët e tyre.
Teksa kërkohet që procedurat të pershpejtohen për ta për shkak se janë me një numër më të madh të udhëtarëve.
Tëvë1 ka tentuar gjatë ditës të marrë përgjigje nga Ministria e Punëve të Brendshme rreth këtyre pritjeve të gjata, por që nuk kanë qenë të qasshëm.
Ndërkaq, pritje më te shkurtra rreth tri e katër orë ka pasur në pikat kufitare në Jarinje e Mutivodë.