Deputetja e Vetëvendosjes, Fatmire Kollçaku për Tëvë1, tha se Ministria e Arsimit ka qasje gjithëpërfshirëse, ku sipas saj nuk ka shanse të ketë ndonjë diskriminim.
Gjithashtu, ajo bëri thirrje që të gjithë qytetarët pa dallim, në raste të bullizmit, duhet të lajmërohen apo të bëjnë ankesa në institucionet përkatëse.
“Unë garantoj që Ministria e Arsimit qasjen e ka gjithëpërfshirëse, assesi diskriminuese. Forcat janë të orientuara që asnjë fëmijë mos të mbetet pa edukim. Kanë për qëllim të parandalohet braktisja e shkollës, të parandalohen martesat e hershme. Unë inkurajoj të gjithë qytetarët e komuniteteve apo fëmijët që bullizohen, thjesht duhet të lajmërohen dhe të bëjnë ankesa”, tha Kollçaku në emisionin “Këndi i Debatit” në Tëvë1.
Njëkohësisht, Kollçaku mendon se në qoftë se një mësimdhënës bullizon dikë brenda objektit shkollor, atëherë duhet të përfundojë me humbje të punës.
