Nën llupën e Prokurorit të Shtetit, të dyshuarit mund të jenë për tri vjet.
Kjo meqë, koha e hetimeve është zgjatur përmes Kodit të ri të Procedurës Penale.
Megjithatë, kjo risi po kundërshtohet nga juristët.
Sipas avokatit, Yll Zekaj, zgjatja e procedurës hetimore është e paarsyeshme.
Mirëpo, qytetarët do të mund ta sfidojnë prokurorinë me anë të një ligji tjetër.
Kodi i ri i Procedurës Penale, mundëson që i dëmtuari të paraqesë ankesë kundër aktvendimit për hedhjen e kallëzimit penal tek Prokuroria e Apelit.
“Në qoftë se Prokuroria e Apelit vlerëson se ankesa është e bazuar, nxjerr aktvendim me të cilin e udhëzon prokurorin e shtetit për ndërmarrjen e veprimeve shtesë lidhur me kallëzimin penal”, thuhet nw Kodin e ri të Procedurës Penale.
Sipas Anton Nrecaj nga instituti CLARD, kjo do i mbajë në përgjegjësi prokurorët e shtetit.
Në rast se Prokuroria e Apelit vlerëson se ankesa është e bazuar, udhëzon prokurorin e shtetit ndërmarrjen e veprimeve shtesë.
Kronika e realizuar nga: Florijeta Dernjani
