Avokati, Arianit Koci ka njoftuar se nëse deri te dështimi i 50-të nuk konstituohet Kuvendi të dielën, më 20 korrik, në ora 11:00, para Kuvendit të Kosovës, i ka ftuar të gjithë qytetarët të protestojnë me bashkë me të.
Avokati këtë njoftim e ka bërë përmes rrjetit social Facebook, duke sqaruar se protesta do të jetë paqësore dhe e qetë.
Kërkesa e Kocit është që të funksionojnë institucionet dhe të marrë fund bllokada.
“Kjo çështje na përket të gjithëve. Qytetaria aktive është e domosdoshme. Si shenjë që e kam përkrahjen tuaj, më duhen të paktën 10.000 pëlqime në këtë postim. Nëse nuk i kam – protestën e vazhdoj i vetëm. P.S. Sipas ligjit, protesta duhet të njoftohet paraprakisht në polici. Prandaj, më duhet ta di me kohë: A do të dal vetëm – apo bashkë me qytetarë të tjerë?”, ka thënë Koci./teve1.info/
