Komentatori politik, Dardan Islami ka thënë se kryeministri, Albin Kurti mund ta formojë Qeverinë me pakicat.
Por ai tha se problemi është se sa ka jetëgjatësi kjo Qeveri.
“Të jemi të sinqertë Kurti nesër në mëngjes mund ta bëjë Qeverinë me pakicat serbe dhe jo serbe… por problemi është se sa ka jetëgjatësi kjo qeveri dhe a do të mundet kjo Qeveri më u ballafaqu… Por derisa Kurti nuk i bënë zotimet e veta, pra vazhdon gënjen dhe manipulon partnerët e huaj dhe opinionin tonë brenda atëherë është kotë edhe koalicioni”, ka deklaruar ai në emisionin “Këndi i Debatit” në Tëvë1.
Tutje, ai tha se edhe një koalicion në mes të partive opozitare nuk ka jetëgjatësi pas një viti- kur duhet votuar presidenti/ja.
“Edhe koalicioni i opozitës mund të funksionojnë një vit, dhe pastaj do të ballafaqohet me mungesë votash për president. Duhet një kalkulim një marrëveshjeje paraprake. Ne nuk i kemi parë që janë ul bashkë që 3-4 vjet…”, ka deklaruar ai.
