Ushtruesi i Detyrës i kryetarit të OVL-së së UÇK-së, Faton Klinaku, ka reaguar pas një fjalimi të presidentit të Kroacisë, Zoran Milanoviq, i cili tha se është bashkësia ndërkombëtare ajo që ia ka aneksuar Kosovën, Serbisë.
Klinaku ka shkruar se shqiptarëve u janë aneksuar territore kohë më parë, e për fitimin e tyre ata kanë luftuar ndaj pushtueseve.
Ai ka shtuar se po të mos ishte lufta e UÇK-së, sa për Kroacinë e ndërkombëtarët, Kosova do të ishte ende nën Jugosllavi.
“Shqipërisë i janë aneksuar territoret edhe më herët, por ta themi që nga 1912-ta. Për këtë, shqiptarët nuk i kanë ndalur asnjëherë përpjekjet për t’i rikthyer territoret, që ende i mbajnë pushtuesit sllav e grek”, ka shkruar Klinaku
“Po të mos ishin përpjekjet e popullit shqiptar, e sidomos po të mos ishte lufta e Ushtrisë Çlirimtare të Kosovës, sa për Kroacinë dhe ndërkombëtarët, Kosova ende do të ishte nën Jugosllavi”, ka shtuar ai. /teve1.info/
