Abdullah Klinaku nga Demokracia Konservative ka thënë se nuk mund të mbrohet familja duke e përjashtuar individin prej rolit brenda familjes.
Duke komentuar ngjarjet e fundit të vrasjes së grave në Kosovë, Klinaku tha se është duke u bërë një fushatë e gabueshme ku po bëhet mbrojtja e grave duke i sulmuar burrat.
“Nuk mundemi me ndërtu konceptin mbi mbrojtjen e individit duke e përjashtu prej familjes dhe nuk mundemi ne me mbrojtë familjen tu e përjashtu individin prej rolit brenda familjes. Edhe një fushatë që është duke ndodhë, që mendoj se është shumë e gabueshme, kjo kampanjë, kjo fushatë dhe mbrojtja e gruas. Nuk bëhet mbrojtja e gruas prej grave duke i sulmu burrat, nuk bëhet mbrojtja e gruas prej burrave duke i sulmu gratë. Mbrojtja e gruas bëhet prej burrave dhe grave që kanë një sistem ose që besojnë në vlerën e jetës të çdo njërit prej tyre, e që bëhen bashkë për me mbrojtë individin dhe familjen”, tha Klinaku në emisionin “Këndi i Debatit” në Tëvë1./teve1.info./