Nënë e bir nga Peja kanë humbur jetën si pasojë e vërshimeve nga reshjet e shiut, mbrëmë në Komunën e Pejës.
Vdekja e 5-vjeçarit është konstatuar mbrëmë rreth orës 23:10 nga ekipi mjekësor në Spitalin e Pejës, derisa në këtë kohë nëna e tij rezultonte e zhdukur.
Minuta më vonë, Policia e Kosovës ka bërë të ditur se trupi i gruas është gjetur dhe ka qenë pa shenja jete.
Rasti ka ndodhur në lagjen “Asllan Qeshme”, ku edhe sot situata nga vërshimet vazhdon të jetë e rëndë.
Ekipi i Tëvë1 nga terreni ka mësuar se varrimi i të ndjerëve bëhet nesër në orën 15:00./teve1.info/
Lidhur me situatën e krijuar në Pejë kanë reaguar liderët e shtetit, të cilët thonë që janë bërë përgatitjet për qetësimin e situatës.
