Deri më tani në Qendrat Komunale të Numërimit për Drenas janë numëruar 15 prej 73 kutive të fletëvotimeve për asamble komunale, që përbën rreth 20.55% të votave të numëruara.
Sipas këtyre rezultateve preliminare, nga lista “Për Drenasin Kampion me Ramiz Lladrovcin”, bartësja e listës, Laureta Thaçi, kryeson me 1,988 vota.
Pas saj renditet Ekrem Elshani me 311 vota, ndërsa më pas është Anjeza Kurtaj me 152 vota.
Nga Partia Demokratike e Kosovës (PDK), kandidati më i votuar për asamble komunale është Driton Ajvazi me rreth 1,900 vota.
Në vendin e dytë në këtë listë është Zeqir Hasi me 176 vota, që ka 6 vota më shumë se Arigon Sinani, i cili ka marrë 170 vota.
Ndërkaq, rezultatet preliminare nga të gjitha komunat janë të qasshme në faqen zyrtare të Komisionit Qendror të Zgjedhjeve (KQZ), ku po përditësohen vazhdimisht.
