Njëri nga tre personat që kanë mbetur të lënduar nga aksidenti i mbrëmshëm në Prizren është dërguar në Qendrën Klinike Universitare të Kosovës (QKUK).
Kështu bëri të ditur për Tëvë1, shefi i repartit të Emergjencës në Prizren, Hekuran Veçgishti.
Veçgishti tha se tre personat kanë pësuar thyerje të ekstremiteteve, ndërsa personi që është dërguar në QKUK është në gjendje më të rëndë.
Ndërkohë, ai tha se në Emergjencë të Prizrenit rreth orës 23:00 janë sjellë fillimisht tre personat e parë që kanë qenë pa shenje jete.
“Mbrëmë rreth orës 22:40 janë sjellë fillimisht tre personat e parë, pa shenja jete. Më pas janë sjellë edhe tre persona të tjerë, dy prej të cilëve janë duke u trajtuar në repartin e Ortopedisë në spitalin e Prizrenit, njëri është transferu në QKUK në Prishtinë”, deklaroi Veçgishti.
Ndërkaq, lidhur me rastin Policia e Kosovës ka bërë të ditur se tre personat që vdiqën ishin shikues të një gare mes veturave, ku për pasojë njëra nga to ka humbur kontrollin dhe ka devijuar rrugën, ku për pasojë lëndoi edhe persona të tjerë./teve1.info/
