Deputetja e LDK-së, Doarsa Kica Xhelili ka thënë se mostrat e Astrit Deharit nuk janë vetëm dëshmi por siç tha ajo, janë zë për të vërtetën.
Madje ajo përmes një shkrimi në Facebook ka pyetur Qeverinë se kush e ka ndërmend të marrë përgjegjësi për mostrat e zhdukura të aktivistit të LVV-së, Astrit Dehari.
“Qeverisë e sidomos Ministrisë së Drejtësisë nuk mund t’i falet ASNJË sekond më tepër për çdo ditë që kalon pa këtë të VËRTETË! Njësoj vlen për Institutin e Mjekësisë Ligjore e Prokurorinë. KU janë mostrat? KU janë inçizimet? KUSH e ka ndërmend të jap përgjegjësi në këtë vend pa cinizëm përçarës politik”, ka shkruar ajo.
Teksa ka thënë se mungesa e transparences, gjuha përçarëse dhe mungesa absolute e dhënies së llogarisë, po e lëndojnë demokracinë.
“Demokracitë nuk vdesin gjithmonë në errësirë. Ato vdesin me dritat e ndezura, nga njer ndezura, nga njerëz të zgjedhur me mjete demokratike.” – thuhet në librin “Si vdesin demokracitë”, nga dy shkencëtarë politik të Universitetit të Harvardit. Kjo mungesë e transparencës; kjo gjuhë përçarëse e kjo mungesë absolute e dhënies së llogarisë po na lëndon demokracinë, hapur e me të gjitha dritat ndezur”, ka shkruar ajo.
Ndryshe sot deputeti i VV-së, Haki Abazi në konferencë për media ka thënë se e audio-incizimet mund ta konfirmojnë se kush i ka zhdukur mostrat e Astrit Deharit. Madje sipas tij, lidhur me zhdukjen e mostrave për rastin Dehari, Prokuroria duhet ta marrë në pyetje kryeministrin Albin Kurti, Dehona Mihajllin, Albulena Haxhiun, Nazlie Balaj dhe Flutura Gogaj-Bajrami./teve1.info./
