Përmes një postimi në Facebook, Kica – Xhelili ka thënë se gjysma e deputetëve të VV-së nuk guxoi të ketë qëndrim për këtë çështje, teksa shtoi se gjysma tjetër dolën nga salla në pamundësi që të votojnë.
Deputetja e LDK-së, theksoi se Rezulota nuk është as e LDK-së, VV-së, PDK-së e AAK-së dhe as e grupit Multi etnik pavarësisht që u votua nga LDK-ja, shkruan teve1.info
Sipas saj, Rezolutë është për të trajtuar në mënyrë gjithëpërfshirëse një temë që është bërë urgjencë nacionale.
“Kjo Rezolutë nuk është e LDK-së, PDK-së, AAK-së, VV-së dhe as e grupit Multietnik, pavarësisht që u propozua nga ne. Kjo Rezolutë është për të trajtuar në mënyrë gjithpërfshirëse një temë që është bërë një URGJENCË NACIONALE. Dhe jo, kjo nuk mund të bëhet me propozime të “klikueshme” e që duken mirë në letër dhe janë të pazbatueshme e, aq më pak, kur janë në kundërshtim me Konventën Evropiane për të Drejtat e Njeriut”, ka shkruar ajo.
“E kam shumë të rëndësishme ta sqaroj sërish që kësaj Rezolute i kanë paraprirë shumë takime me viktima të këtyre veprave penale, avokatë, policë, gjyqtarë, prokurorë, me shoqërinë civile dhe kemi organizuar edhe një tryezë për këtë temë”, shtoi ajo.
Jemi përpjekur me gjithë qenien që propozimet tona të mos jenë sa për sy e faqe, por të jenë propozime të zbatueshme e të realizueshme për institucionet tona, për njerëzit tanë, për mbrojtjen e dinjitetit të viktimave.
https://teve1.info/lajmet/nuk-kalon-rezoluta-kunder-sulmeve-ndaj-integritetit-seksual/
