Deputetja e LDK-së, Dorsa Kica-Xhelili pak para fillimit të seancës ka deklaruar se subjekti i saj politik nuk ka votë për asnjë kandidat të VV-së.
Ajo tha se çështja e propozimeve për LDK-në është e kryer.
“I takon secilës parti politike qe të mbajë qëndrimet e veta sa i përket votimit ose jo për kandidatët e VV-së. LDK nuk ka marrëveshje me VV-në sepse nuk e duam një të tillë. Rrjedhimisht nuk kemi votë për asnjë kandidat. Tema e propozimeve është kryer. Ajo që ndodhi pardje, ishte taktizim, jo për faktin që u propozua emri, por për faktin që u refuzua një konsultim. Kjo është e dhimbshme sepse qytetarët po presin, po humbim shumë”, deklaroi ajo para gazetarëve. /teve1.info/
