Këshilltarja lokale e Bashkimit Evropian, Kati Shchneeberger, ka reaguar pas lajmeve se BE po përgatit sanksione ndaj Kosovës, duke pyetur se cilat janë sanksionet për Serbinë e cila e ka shkaktuar krizën në veri të Kosovës.
“Çfarë sanksionesh janë planifikuar kundër Serbisë për shkaktimin e krizës duke i tërhequr serbët lokal nga institucionet, duke bërë thirrje për zgjedhje të reja, duke i bojkotuar zgjedhjet dhe duke sulmuar dhunshëm paqeruajtësit e NATO-s?
Pse po sanksionohet Kosova? Për shkak të zbatimit të demokracisë dhe sundimit të ligjit? Apo për shkak se Kosova nuk do ta lejojë veten të shndërrohet në një kukull për t’u gjykuar nga autokratët? Kjo vendosmëri dhe ashpërsi duhet të vijë në pyetje dhe është shumë e nevojshme kundër Vuçiqit, e jo kundër Kosovës, e cila nuk po përpiqet të përdorë të gjitha llojet e dredhive për të rritur ndikimin e saj mbi fqinjët e saj”, ka shkruar ajo.
Bashkimi Evropian ka përgatitur masa fillestare, si sanksione kundër Kosovës për shkak të mospërfilljes së kërkesave për hapa të menjëhershëm nga Qeveria e Kosovës për uljen e tensioneve në veri, mëson REL nga burimet diplomatike.
“Exklusiv: EU bereitet Sanktionspaket gegen Kosovo vor”
Welche Sanktionen sind gegen #Serbien geplant, für die Verursachung dieser Krise durch Rückzug aus den Institutionen, Auslösung von Neuwahlen, Boykott der Wahlen und gewalttätige Angriffe auf NATO-Friedenstruppen?…
— Kati Schneeberger 🇪🇺 (@KatiSchneeberg1) June 13, 2023
