Këshilltari I kryeministrit Albin Kurti për marrëdhënie me Maqedoninë e Veriut, Bekim Qoku, e ka zyrtarizuar garën e tij për zgjedhjet e përgjithshme në Maqedoninë e Veriut, raporton teve1.info
Përmes një statusi në Facebook, Qoku ka bërë të ditur se ai dhe dy gra do të jenë në garë për pushtet të Maqedonisë së Veriut, nga radhët e Lëvizjes Vetëvendosje.
“Lëvizja VETËVENDOSJE! do t’i ketë tre kandidatë për deputetë, me koalicionin VLEN. Ne do të jemi pjesë e fitores që VLEN! Në Njësinë Zgjedhore 1, kandidate me numrin 6 në listë do të jetë znj. Nafie Selmani. Në Njësinë Zgjedhore 2, kandidate me numrin 6 në listë do të jetë znj. Medine Ukshini. Ndërsa në Njësinë Zgjedhore 6, kandidat me numrin 2 në listë do të jem unë, Bekim Qoku. Në Maqedoninë e Veriut Lëvizja VETËVENDOSJE! ka shumë aktivistë dhe simpatizantë. Bashkë do të punojmë sot për Ndryshimin që VLEN e nesër për forcimin e popullit tonë shqiptar!
Qoku ishte emëruar këshilltar i kryeministrit Albin Kurti për marrëdhëniet me Maqedoninë e Veriut, rreth një vit më parë.
