Përmes një njoftimi në Facebook, Këshilli i Prindërve të Kosovë ka shkruar se i thotë jo mësimit të shtunave dhe se fëmijët kanë të drejta të cilat,sipas tyre,obligohen t’i mbrojnë.
“JO – shkollës të shtunave! JO – mësimit me zor! Fëmijët kanë të drejta – obligohemi t’i mbrojmë!”, thuhet në postimin e tyre në Facebook.
Edhe Sindikata e Bashkuar e Arsimit, Shkencës dhe Kulturës, sot në një konferencë për media tha se zëvendësimi i orëve të humbura nuk do të bëhet këtë të shtunë.
Ndërkohë MASHTI e ka përsëritur vendimin e vet për kompensim të orëve mësimore gjatë vikendit, sipas kalendarit të ri mësimor, për kompensim të orëve të humbura mësimore gjatë grevës së përgjithshme.
