Pamje të gjendjes së Astrit Deharit, publikoi avokati i familjes, Tomë Gashi me pretendimin se ato u anashkaluan nga prokurori i rastit.
Bazuar në këtë, familja Dehari ka kërkuar përjashtimin e prokurorit, Afrim Shefkiu, nga trajtimi i lëndës.
Dyshime për manipulim të rastit ka edhe i ati i Astrit Deharit, duke u thirrur në ekspertizat e institutit zviceran për rrethanat e vdekjes.
Në raport thuhet se në ADN-në e gjetur nuk është konstatuar ndonjë ADN tjetër përpos të Astrit Deharit, derisa nga objektet në qeli nuk ka pasur shenja gishtërinjësh që do të mund të përdoreshin.
Si provë e vetme e rastit është cilësuar trupi i Deharit, i cili thuhet se është përdorur më së paku, por që marrë parasysh kohën e kaluar, instituti zviceran nuk e rekomandoi zhvarrimin për ri-ekzaminim.
Astrit Dehari u gjet i vdekur në qelinë e burgut në Prizren më 5 nëntor të vitit 2016, ku po mbahej i paraburgosur nën dyshimin se kishte kryer sulm ndaj ndërtesës së Kuvendit të Kosovës, bashkë me disa aktivistë të tjerë të Lëvizjes Vetëvendosje.
Raporti i gazetares Florijeta Dernjani.