Prokuroria Themelore në Prishtinë ka kërkuar caktimin e masës së paraburgimit ndaj 19-vjeçares që dyshohet për vrasje të foshnjës gjatë lindjes bashkë me nënën e saj në Podujevë.
Kështu ka bërë të ditur për teve1.info, zëdhënëse e kësaj Prokurorie, Laureta Ulaj.
“Ju njoftojmë se Prokurori i Shtetit, pranë gjykatës kompetente, ka paraqitur kërkesë për caktimin e masës së paraburgimit ndaj XH.L., për shkak të veprës penale ‘Vrasja e foshnjës gjatë lindjes’, sipas KPRK-së”, konfirmoi Ulaj.
Të hënën, Policia e Kosovës ka bërë të ditur se 19-vjeçarja dyshohet se ka abortuar në mënyrë të paligjshme të dielën në Podujevë dhe më pas e njëjta ka kërkuar tretman mjekësor në QKUK.
“Raportohet se në QKUK ka kërkuar tretman mjekësor e dyshuara femër kosovare e cila dyshohet se ka qenë shtatzënë dhe ka abortuar në mënyrë të paligjshme. Lidhur me rastin janë arrestuar dy të dyshuara dhe me vendim të prokurorit dërgohen në mbajtje”, thuhet në raportin ditor të PK-së./teve1.info/
