Prokuroria Themelore në Gjilan ka kërkuar nga gjykata caktimin e masës së paraburgimit ndaj të dyshuarit për vrasjen e rëndë në Gjilan.
Prokuroria ka kërkuar që paraburgimi të jetë me kohëzgjatje prej 30 ditësh.
“Prokuroria Themelore në Gjilan, Departamenti për Krime të Rënda, ka kërkuar nga Gjykata Themelore në Gjilan caktimin e masës së paraburgimit ndaj të pandehurit D.T., në kohëzgjatje prej 30 ditësh, për shkak të dyshimit se ka kryer veprën penale ‘’Vrasja e rëndë’’, nga neni 173 të Kodit Penal të Republikës së Kosovës”.
Sipas njoftimit, ekziston dyshimi se i pandehuri D.T., me dashje, për motive deri më tani të pa njohura, e ka privuar nga jeta tani A.B., duke e goditur me thikë disa herë në pjesë të ndryshme të trupit.
