Këshilltari i kryeparlamentarit Konjufca, Ilir Kërçeli ka thënë se Serbia nga takimi që po mbahet në Ohër mes kryeministrit Kurti dhe presidentit Vuçiq, do të kthehet destruktive dhe do e marrë koston e merituar.
Madje ai në Facebook tha se nuk ka Asociacion i cili e shkel Kushtetutën dhe sovranitetin e Republikës së Kosovës
“Serbia kthehet nga Ohëri, destruktive si gjithmonë. Veq kesaj radhe do e marrë edhe koston e merituar. Nuk ka asociacion i cili shkel Kushtetutën e cenon integritetin dhe sovranitetin e Republikës së Kosovës”, ka shkruajtur ai.
Ndryshe aktivistë të Lëvizjes Vetëvendosje kanë filluar në Facebook mbështetjen ndaj kryeministrit Albin Kurti me hashtag #mekryeministrin.
Kurse takimi mes kryeministrit të Kosovës, Albin Kurti dhe presidentit të Serbisë, Aleksandar Vuçiq pritet të vazhdojë ende dhe pas takimit, përfaqësuesi i lartë i BE-së, Josep Borrell do të ketë një konferencë për media, për të dhënë detaje. /Teve1.info/
