Ekipet e KEDS-it gjatë aksioneve për keqpërdorim të energjisë elektrike kanë identifikuar 200 raste të keqpërdorimit të energjisë.
Sipas komunikatës gjatë javës janë realizuar 2 mijë 742 kontrolle.
“Në vazhdën e këtyre kontrolleve, ekipet e KEDS-it kanë realizuar përgjatë javës 2742 kontrolle te konsumatorët për të cilët dyshohej se po e keqpërdornin energjinë elektrike. Prej tyre afër 200 u vërtetua se po e anashkalonin matjen e saktë të energjisë elektrike”, thuhet në komunikatë.
Rastet e tilla, KEDS-it ka paralajmëruar se do t’i parashtrojnë për procedura të mëtutjeshme gjyqësore. /teve1.info/
