Kompania Kosovare për Distribuim me Energji Elektrike (KEDS), ka bërë të ditur se për shkak të erërave të forta në disa rajone të Kosovës disa dalje janë jashtë funksionit.
Ekipet e KEDS-it thuhet se janë mobilizuar në terren, në mënyrë që dëmet e shkaktuara të evitohen sa më parë.
“Ekipet e KEDS-it janë mobilizuar në terren në mënyrë që dëmet e shkaktuara të evitohen sa më parë dhe konsumatorëve tanë t’u kthehet furnizimi i rregullt me energji elektrike, për çka kërkojmë mirëkuptimin e tyre”, thuhet në njoftimin e tyre.
Tutje, është thënë që rajonet më të prekura momentalisht janë Gjakova, Malisheva dhe Peja.
“Rajonet më të prekura momentalisht janë Gjakova, Malisheva dhe Peja, ndërkaq, sipas parashikimeve, pritet që mot i lig të mbretërojë edhe në rajonet e tjera të Kosovës”./teve1.info/
