Kampioni në fuqi, Bashkimi ka triumfuar në derbin e xhiros së pestë në Superligën e femrave në basketboll.
Të dielën, në palestrën “Sezai Surroi” në Prizren, Bashkimi fitoi me shifrat 77:71 për ta regjistruar fitoren e katërt në po aq ndeshje të luajtura në këtë sezon.
Në anën tjetër, Peja 03 e mbushur me lojtare të huaja dhe vendore, regjistroi disfatën e parë në kampionat.
Peja 03 ishte ekip më i mirë në dy çerekët e parë, përpara se Bashkimi të kthehet fuqishëm në dy periudhat e fundit për ta fituar ndeshjen.
Alexis Mead me 30 pikë, 5 kërcime e 10 asistime udhëhoqi Bashkimin drejt triumfit, ndërsa më lojë të mirë u veçuan edhe Aulona Muhadri me 6 pikë e 14 kërcime, Merisa Bilalli me 14 pikë e Thaniya Desiree-Marks me 14 pikë e 6 kërcime.
Te Peja 03, u veçua Eve Ëembenyama me 20 pikë kurse Adrienne Godbold shtoi 12 sosh.
