Kampionia në fuqi e Kosovës në basketboll, Trepça ka shtuar edhe një përforcim në radhët e veta pas atij që e bëri ditë më parë.
Reprezentuesi i Xhamajkës, Drew Thelwell është përforcimi më i ri i huaj te Trepça, i cili do të jetë pjesë e skuadrës për pjesën e mbetur të sezonit aktual.
Fundori i gjatë 191 centimetra, pritet ta shtojë edhe më shumë cilësinë dhe konkurrencën te skuadra nga Mitrovica, e cila po paraqitet gjithashtu në fazën grupore të FIBA Europe Cup.
Thelwell veçse ka luajtur në NCAA, ai gjithashtu karrierë ka bërë edhe në Evropë, ku sezonin e shkuar ishte pjesë e ekipit Pau Orthez, të cilin e ndihmoi nga kategoria e dytë të ngjitet në elitë, duke luajtur me një mesatare mbi 10 pikë për ndeshje.
Në sezonin aktual, Thelwell ishte pjesë e skuadrës nga Izraeli, Hapoel Holon dhe regjistroi tri paraqitje në Ligën e Kampionëve.
