Sigal Prishtina do të zhvillojë dy ndeshjet e radhës në ENBL Ligë. Këto ndeshje do të zhvillohen në Zielona Gora të Polonisë.
Prishtinasit sonte do të përballen pikërisht me vendasit e Zielona Gora-s nga ora 18:30, kurse nesër (e mërkurë) do të përballen me Polski Cukier Start Lublin, takim që zhvillohet nga ora 18:30.
Takimet zhvillohen në kuadër të Grupit A të ENBL Ligë, ku janë shtatë skuadra, ndërsa bardhekaltrit e nisën me dy humbje, nga Budivelnyk dhe Kalev/Cramo.
Kjo është hera e parë që kryeqytetasit marrin pjesë në këtë garë.
Në anën tjetër, KB Peja do ta zhvillojë ndeshjen e radhës në BIBL, me fillim të orës 20:15 ku do të jenë nikoqirë të KK Milenjum.
Pejanët kanë bilanc 100% në këtë garë ku në 3 ndeshje kanë 3 fitore, ndërsa malazezët janë me 1 fitore në 5 ndeshje.
