KB Ponte Prizreni ka arritur të siguroj edhe një basketbollist të huaj.
Ekipi nga qyteti i vjetër i Kosovës, Prizreni ka prezantuar alo-qendrën amerikane, Donnie Tillman
23-vjeçari me bardhezinjët ka firmosur një kontratë një vjeçare. Tillman me parë ishte pjesë e ligës NCAA1, me skuadra shumë të spikatura si Utah, Unvl dhe së fundi New Mexico State, derisa gjatë karierës ka pasur një mesatare prej 9.3 pikë e 3.7 kërcime për ndeshje.
Amerikani 202 centimetërsh është përforcimi i tretë i huaj, pas arritjes së marrëveshjes me Ivan Koljevic e Wayne Arnold. Tillman në zonën e trapezit pritet të jetë një kullë binjake së bashku me gjigantin kosovar, Urim Zenelaj. /Tëvë1/
