Klubi i basketbollit Peja është gjobitur me 1700 euro për shkeljet e bëra në ndeshjen e dytë gjysmëfinale të plejofit ndaj Trepçës.
Kësht, ka vendosur Komisioni i Garave i FBK-së, ku ndaj klubit pejan janë evidentuar tri gjoba.
Sipas raportit “sjelljet e 2500 shikuesve ishin korrekte, me përjashtim të një grupi tifozësh që nuk u ndalën me ofendime në kor. Po ashtu, u bë përdorimi/lëshimi i muzikës me qëllim nxitjen e ofendimeve ndaj lojtarit Drilon Hajrizi dhe ekipit mysafir. Në fund të ndeshjes pati hedhje të shkrepëseve në drejtim të ekipit mysafir”.
Me nga 100 euro janë dënuar edhe basketbollistët, Akili Vining i Trepçës dhe Daquan Bracey i Pejës.
Për shkeljet e bëra në ndeshjen e parë në Mitrovicë, Trepça ishte gjobitur me 700 euro.
Pas dy ndeshjeve të serisë gjysmëfinale të “play-offit” të luajtura deri më tani mes këtyre dy skuadrave, rezultati i përgjithshëm 1:1.
Ndeshja e tretë, zhvillohet të enjten mbrëma në Mitrovicë dhe skuadra që regjistron tri fitore, do të avancojë në gjysmëfinale të “play-offit”.
