Amerikanët Kobe Langley e DQ Nicholas nuk janë më pjesë e KB Borës, ka njoftuar ekipi i Superligës së Kosovës të mërkurën.
Bora ka bërë të ditur se Nicholas është transferuar te Kozhuvi në Maqedoninë e Veriut, ndërsa me Langleyn ka shkëputur kontratën me marrëveshje të dyanshme.
Dy basketbollistët amerikanë që janë falënderuar për angazhimin dhe kontributin, ishin pjesë e Borës gjatë fazës përgatitore dhe duket se nuk kanë bindur trajnerin Lubomir Minchev.
Bora, tashmë ka tre të huaj në radhët e veta, amerikanët Deshon Taylor, Grant Singleton e Tyson Jackson.
