Pak pasi zyrtarizoi largimin e TJ Bickerstaf, KB Bashkimi ka konfirmuar transferimin e ri, amerikanin Kenny Wooten Jr.
Skuadra nga Prizreni, të enjten ka konfirmuar këto ndryshime më ekip, ndërsa Wooten llogaritet si përforcim i rëndësishëm për pjesën e mbetur të sezonit.
Ai luan në pozitat 4-5 dhe gjatë karrierës është aktivizuar me disa skuadra në NBA G-League, përpara se të luajë në Hungari, Mongoli e Liban.
Wooten Jr, pritet që këtë vikend të debutojë me fanellën e Bashkimit, ekip që luan në udhëtim ndaj Golden Eagle Yllit në kuadër të xhiros së 19-t të Superligës së Kosovës.
