Në hyrjen e Kuvendit, erdhën katër mysafirë të rinjë.
Këta gomarë këtu i solli avokati Arianit Koci.
Në këtë mënyrë, sipas Kocit përshkruhen më së miri 41 dështimet për konstituimin e Kuvendit.
“Duhet me tregu se kush po na udhëheq. Pra, gomarët po na udhëheqin, dhe të njëjtit mendojnë se ne jemi gomarë. Ne nuk do të ndalemi së protestuari. Protesta do të jetë e qetë po ju kërkojmë falje gomarëve që prej Istogut është dashur t’i biejmë”, deklaroi Koci.
Pas aktgjykimit të Gjykatës Kushtetuese, sipas Kocit, fajtori për bllokadë është i qartë.
“Pas aktgjykimit të Kushtetueses e kam përcaktuar se kush është fajtor, fajtor është Albin Kurti…me ja lon edhe pak ma gjatë..”, deklaroi Koci.
Pak metra larg, u mbajt një protestë tjetër.
Me parulla në duar, shoqëria civile kundërshtoi ngërçin e konstituimit të Kuvendit.
Për Ehat Miftarajn, kjo bllokadë për katër muaj po i kushton shumë Kosovës.
Protesta të ngjashme ka pasur edhe gjatë javëve të kaluara nga shoqëria civile.
