Katari do të dërgojë mijëra kabina nga Kupa Botërore e vitit të kaluar, për të siguruar strehim për të mbijetuarit e tërmeteve në Turqi.
Sipas Sky News, vendi i Gjirit kishte planifikuar gjithmonë të dhuronte shtëpitë e lëvizshme, të cilat ishin shfrytëzuar në strehimin e 1.4 milionë tifozëve që kanë përcjellë turneun e futbollit.
Një grup prej 350 strukturash u dërguan të dielën, derisa tjerat pritën të zhvendosen ditëve në vijim.
Dhjetëra mijëra ndërtesa u shkatërruan dhe u dëmtuan rëndë, duke lënë miliona të pastrehë kur tërmetet e fuqishme goditën Turqinë dhe Sirinë.
Katari dhe vende të tjera të pasura të Gjirit i janë bashkuar përpjekjeve globale për të dërguar shpëtimtarë dhe ndihmë në rajonin e goditur.
Ndërsa, Emiratet e Bashkuara Arabe kanë premtuar 100 milionë dollarë për përpjekjet e ndihmës. Arabia Saudite ka dërguar tetë avionë të ngarkuar me furnizime në Turqi dhe Siri.
