Bordi i Drejtorëve të Ndërmarrjes Publike “Termokos” ka emëruar në pozitën e ushtruesit të detyrës së Kryeshefit Ekzekutiv të ndërmarrjes, Kastriot Bllaca.
Siç bëhet e ditur në njoftim, Bllaca ka një përvojë të gjatë dhe kontributdhënëse në sektorë të ndryshëm të ndërmarrjes “Termokos”.
“Përvoja e tij shumëvjeçare dhe njohja e thellë me sfidat dhe potencialet e ndërmarrjes përbëjnë një bazë të fortë për të udhëhequr projektet kapitale zhvillimore, që synojnë rritjen e efikasitetit, zgjerimin e shërbimeve dhe përmirësimin e cilësisë së furnizimit me ngrohje për qytetarët e Prishtinës”, theksohet në njoftim.
Emërimi i Bllacës ka ardhur pasi kryeshefi ekzekutiv i Ndërmarrjes Publike “Termokos”, tre ditë më parë ka mbyllur mandatin e tij tre vjeçar në krye të këtij institucioni.
