Në “Ditari” në Tëvë 1, Kastrati theksoi se Supremja ka integritet dhe nuk anon nga partia që është në pushtet apo diçka tjetër.
“Kam qenë i bindur plotësisht që edhe Gjykata Supreme ka me na dhanë të drejtë. Mos të harrojmë ky është vendimi i tretë i Gjykatës Supreme që na ka dhënë të drejtë. Gjithashtu një vendim i Gjykatës Kushtetuese, edhe pothuajse të gjitha rastet e tjera. Për mua ka qenë e pritshme. Mendoj se Gjykata Supreme ka integritet, aktualisht edhe nuk anon qoftë nga partia që është në pushtet, ose diçka tjetër”, tha ai.
Sipas tij, nuk mundet të ketë zhvillim si duhet me dy apo tre nxënës në klasë.
Gjykata Supreme e ka vërtetuar sot aktvendimin e Gjykatës së Apelit për mbylljen e pesë shkollave në Komunën e Kamenicës në kuadër të reformës në arsim që ishte implementuar sa ishte kryetar Qëndron Kastrati, shkolla të cilat ishin hapur pastaj nga kryetari aktual i Komunës, Kadri Rahimaj. /Teve1.info/
