Sulmuesi i krahut, Lirim Kastrati është rikthyer në futbollin kroat.
Ai të enjten është prezantuar te Lokomotiva e Zagrebit, ekip për të cilin ka luajtur në të kaluarën.
Në fakt, Kastrati është huazuar te Lomomotiva deri në fund të edicionit nga skuadra hungareze, Fehervar.
“Pas tri vjetësh e gjashtë muajve, Lirim Kastrati është kthyer te Lokomotiva. Lirimi vjen si huazim nga Fehervari deri në fund të këtij edicioni”, ka shkruar ekipi kroat në njoftimin e tij.
Kastrati ka kontratë me Fehervarin deri në vitin 2025, ndërsa këtë edicion ka shënuar 4 gola dhe ka bërë 2 asistime në 18 ndeshje në kampionatin e Hungarisë.
25-vjeçari karrierë ka bërë edhe te Legia e Varshavës në Poloni dhe Dinamo e Zagrebit në Kroaci. Aktualisht, Lokomotiva zë vendin e pestë në Kroaci pas 22 ndeshjeve të luajtura.
