Sulmuesi Axel Gnapi do të largohet nga Llapi për të vazhduar karrierën në Rusi.
Kapiteni i Llapit do të transferohet te FC Fakel Voronezh, ka bërë të ditur ekipi i Superligës së Kosovës.
“KF Llapi njofton opinionin dhe tifozët se ka arritur marrëveshje me klubin FC Fakel Voronezh për transferimin e sulmuesit Axel Gnapi”, ka shkruar Llapi.
Llapi ka bërë të ditur se pas interesimit të vazhdueshëm të klubit rus, ka rënë dakord për kushtet e ofruara dhe ka vendosur ta lirojë futbollistin.
Gnapi iu bashkua Llapit në korrik të vitit të kaluar nga FC Prishtina, ndërsa në 15 ndeshje kampionale, realizoi 7 gola dhe regjistroi 4 asistime.
“KF Llapi e vlerëson maksimalisht angazhimin dhe profesionalizmin e treguar nga Gnapi gjatë këtyre muajve dhe i uron atij shumë suksese në vazhdim të karrierës së tij profesionale”, shton Llapi.
