Një person është identifikuar nga Policia e Kosovës në bashkëpunim me Doganën e Kosovës, pasi gjatë kontrollit në pikën kufitare Bërnjak u gjetën mjete monetare të padeklaruara.
Sipas njoftimit zyrtar, njësitë policore kanë ndaluar për kontroll në vijën e dytë një veturë me targa serbe, të cilën po e drejtonte një shtetas serb.
Gjatë kontrollit të automjetit dhe personave që ndodheshin në të, në çantën e pasagjerit janë zbuluar 25 mijë e 515 euro dhe dinarë në vlerë rreth 4813 euro (në total 30.328€).
“Lidhur me rastin janë ndërmarrë veprimet procedurale për trajtim të mëtejmë të rastit nga dogana sipas legjislacionit në fuqi”, thuhet në fund të njoftimit të Policisë së Kosovës./teve1.info/
