Një skenë krejtësisht e pazakontë është regjistruar në Kupën e Bolivisë, ku ndeshja kthyese e çerekfinales ndërmjet Real Oruro dhe Blooming u shndërrua në kaos të plotë.
Në minutat shtesë të sfidës që përfundoi me rezultatin 2-2, shpërtheu një përleshje masive mes lojtarëve dhe stafit, duke detyruar ndërhyrjen urgjente të policisë në fushë.
Sipas raportimeve zyrtare, ndeshja përfundoi me 17 ndëshkime me karton të kuq, përfshirë 11 futbollistë, duke e bërë këtë njërën nga përplasjet më të rënda të viteve të fundit në futbollin bolivian.
Në konferencën për media pas ndeshjes, klubi Real Oruro akuzoi kundërshtarët se e nisën konfliktin duke përdorur gjuhë diskriminuese, çka sipas tyre e detyroi shpërthimin e tensioneve.
Pavarësisht incidentit, Blooming arriti të sigurojë kualifikimin në gjysmëfinale të Kupës së Bolivisë, falë barazimit 2-2 dhe fitores 2-1 në ndeshjen e parë.
Megjithatë, skuadra boliviane pritet të ketë vështirësi të mëdha në fazën gjysmëfinale, pasi shtatë lojtarë të saj janë të përjashtuar pas kaosit të mbrëmshëm.
